GIRI PRASAD SARMA KALLE

సమాజ సేవ • లీగల్ సపోర్ట్ • సాంస్కృతిక పునరుద్ధరణ

ఈ కాలంలో మనుషులు చాలామంది శరీరంగా బతుకుతున్నా, జీవనార్థం, ధర్మం, బాధ్యత అనే విలువలు క్రమంగా తగ్గిపోతున్నాయి. మన బ్రాహ్మణ సమాజం నిర్లక్ష్యం, భయం, మౌనం వల్ల క్షీణిస్తున్నప్పుడు నేను చూస్తూ ఉండే వ్యక్తి కాదు. అలా నిశ్శబ్దంగా ఉండకూడదనే నిర్ణయంతోనే ఈ మార్గంలో నడుస్తున్నాను. ఆపదలో ఉన్నవారికి అండగా ఉండటం, బాధితులను రక్షించడం, అమ్మాయిల విద్య–క్షేమం, హాస్టల్ సేవలు, ఆహార సహాయం, రక్తదాతల నెట్‌వర్క్, ఆధ్యాత్మిక మార్గదర్శకం, DFI బాధితులకు చట్టపరమైన సహాయం — వీటన్నింటికీ నా జీవితాన్ని అంకితం చేశాను.

నా పని దానం కాదు — అది బాధ్యత. అది నా స్వధర్మం. మన సమాజపు సమస్యలకు సమాధానాలుగా రూపొందిన ప్రతి సేవ, ప్రతి ఫామ్, ప్రతి ఫోన్ కాల్, ప్రతి చిన్న వ్యవస్థ వెనుక నిజమైన మనుషుల బాధ ఉంది. ఆ బాధను తగ్గించాలనే తపన ఉంది. ఈ మార్గం సులభం కాదు, అందరికీ అర్థమయ్యే మార్గం కూడా కాదు — కానీ ఈ ప్రయాణాన్ని నేను ఎంచుకున్నది కాదు… ఈ ధర్మపథమే నన్ను ఎన్నుకుంది. బయటకు బతికున్నట్టే కనిపించే ఎంతో మంది నడుమ, నేను మాత్రం నిజమైన అర్థంలో బతికే వ్యక్తిగా — అవగాహనతో, బాధ్యతతో, సంకల్పంతో, జాగృతితో — నా సమాజం కోసం నిలబడాలని నిర్ణయం తీసుకున్నాను. చివరిగా నేను ఏది ఆశించి పని చెయ్యను, నాతొ ఆశించి దొరకనప్పుడు, నా పద్దతి నచ్చనప్పుడు నన్ను దూషణ చేస్తే అది నాకు సంబంధం లేని విషయం. దూషణ చేసి మళ్ళీ వచ్చి నాతో మాట్లాడినా నాకు సమ్మతమే. నాకు మంచి చెడు అనే తేడా ఉండదు. నా ఆలోచన మంచిదే , అది చెడుగా అర్థం ఐతే భగవత్ కృప. ధన్యోస్మి.